Liboan ka tinun-an bakunahan

CEBU, Philippines – Gisugdan kagahapon sa kagamhanan sa dakbayan sa Toledo ang pagpamakuna sa kabataan sa mga tunghaan.

Subay kini sa kampanya sa Department of Health nga hatagan og human pappiloma virus vaccine ug MCD 1 anti-measles ug anti-tetanus depteria ang mga tinun-an sa Grade 1.

Tinguha sa City Health Department sa Toledo nga mapabakunahan ang liboan ka tinun-an sa elementarya ug sekondarya.

Gibutyag ni Clark Kevin Trocio, NDP nurse sa CHD, nga ang mga tinun-an sa Grade 4 nga mga babaye ang hatagan sa mao’ng bakuna.

Hatagan usab og measlesrubella ug depteria vaccine ang mga tinun-an sa Grade 7.

Libuton sa mga health personnel ang tanang pangpubliko’ng tunghaan sa dakbayan alang sa pagpahigayun sa bakuna. – /GMR) (BANAT NEWS)