Naghikog sa lingkoranan

CEBU, Philippines - Lalaking libud-suroy napalgang patay human naghikog gamit ang sinina nga gihigot niini sa iyang liog kagahapon sa kaadlawon diha sa usa ka lingkuranan sa viaduct sa Brgy. Ermita ning dakbayan sa Sugbo.

Ang maong lalaki naila nga si Kevin Kay Bienes, 22, taga Gumbil, Tudela, Misamis Occidental.

Base sa imbestigasyon sa Homicide Section sa Cebu City Police Office nga napalgang nagbitay na si Bienes sa iyang kauban nga street dweller nga si Jemmy Hermano.

Naghikog kini sa usa sa mga lingkoranan nga may atop paatubang sa dagat sa Barangay Ermita.

Way nakitang timailhan ang kapolisan nga makapadudang gipasipad-an og laing tawo si Bienes ug kombinsido sila nga naghikog kini.  (BANAT NEWS)