Lalaki nalumos sa SRP

CEBU, Philippines - Padayon pang giila sa kapulisan ang usa lalaking nakit-ang patay nga naglutaw sa baybayon sa South Road Properties (SRP) sa Seaside Plaza, Brgy. San Roque ning dakbayan sa Sugbo pasado alas 12 kagahapon sa udto.

Ang maong lalaki nagsuot og brown nga short pants ug walay bisan unsa nga dokumentong nakuha ang kapulisan aron mag-ila kaniya,  gawas lang sa benda sa iyang ulo.

Gibana-bana nga anaa sa 20 kapin ang pangidaron sa maong lalaki. Kini ang gitug-an ni Police Officer 1 Romil Bilocura imbestigador sa Homicide Section sa Cebu City Police Office nga nahinabi sa Banat News  katapusang nakit-ang buhi ang maong lalaki alas 11 sa buntag nga naligo sa dagat.

Gidudahang nalumos kini sa kantiladong bahin sa maong dagat. (BANAT NEWS)