Poste, kahoy daplinsa dalan ipaatiman

CEBU, Philippines – Giawhag sa hunta probinsiyal ang Department of Public Works and Highways nga mohimo og aksiyon sa mga poste sa kuryente ug mga kahoy nga anaa daplin sa kadalanan.

Sila si Bokal Miguel Antonio Magpale ug Jude Thaddeus Durano-Sybico niduso og resolusyon sa mao’ng panawagan nunot sa kasamok sa mga poste ug kahoy nga nakahatag usab og risgo sa mga motorista ug sa mga tawo nga moagi sa lugar sanglit posible kini’ng matumba o mabanggaan.

Gipasabot sa duha ka magbabalaud nga ang safety sa publiko ang usa sa mga gihatagan nila og pagtagad aron malikay sa disgrasya ang mga road users human may insidente na nga namatay kay natumbahan sa poste ug kahoy nga gabok na. – /GMR) (BANAT NEWS)