Lola hapit napaig
CEBU, Philippines – Grabe’ng kadaut sa kalawasan ang naangkon sa usa ka 80-anyos nga babaye nga hapit naapil sa pagkasunog sa iya’ng balay alas 12 pasado sa niagi’ng gabii sa sitio Bunga, Poblacion, dakbayan sa Bogo.
Si Police Officer 2 Alexander Ancao Jr. niila sa biktima nga si Amanda Fernan Andrino, nagpuyo sa mao’ng dapit.
Matud ni Ancao nga sulod sa iya’ng panimalay ang biktima diha’ng kalit niulbo ang kayo hinuon dali napawong sa mga silingan ug naluwas ang tiguwang.
Ang biktima nakaangkon og third degree burn sa kalawasan ug dali’ng gidala sa Bogo Provincial Hospital ug gibalhin sa Vicente Sotto Memorial Medical Center.
Sumala pa ni Ancao nga ang mga sakop sa pamilya sa biktima niingon nga ang pagpanabako sa tiguwang ang gituohang hinungdan sa kalit nga pag-ulbo sa kayo. – /GMR) (BANAT NEWS)
- Latest
