Bata gibun-og, ama-ama priso

CEBU, Philippines - Gibalhug sa prisohan ang dagmalan nga ama-ama human niya gibun-og ang 6-anyos nga anak sa iyang kapuyo sa barangay Tagnucan, lungsod sa Borbon.

Matud ni PO3 Rolinda Flores sa Women’s and Children’s Protection Desk, nga grabe’ng nakabunal ang ama-ama gamit ang kawayan nga handle sa silhig lanot.

Wala ang inahan sa bata atol sa hitabo sanglit nanuroy kini og silhig lanot ug wala’y trabaho ang suspek sa upat na ka tuig nila’ng puyo.

Diha’ng nauli na sa balay ang inahan sa bata nakita nga bun-og kaayo ang iya’ng anak hinungdan nga nidangop sa kapolisan ug gidakop ang suspek.

Kaso’ng physical injury in relation to child abuse ang giandam nga ipasaka batok sa suspek. (BANAT NEWS)