BFP Mandaue alerto sa Semana Santa
CEBU, Philippines – Higpit nga mag-monitor ang buhatan sa Bureau of Fire Protection (BFP) sa kabarangayan sa Dakbayan sa Mandaue sa mga adlaw sa Semana Santa ilabi na gayod sa Biyernes Santo ug Pasko sa Pagkabanhaw sa adlaw nga Domingo.
Si Senior Fire Inspector Joel Abarquez nga maoy city fire marshal sa Mandaue nga nahinabi sa Banat News kagahapon miingon nga nakaalerto ang ilang mga sakop aron daling makaresponde nianang mga adlawa.
Gipahimangnoan niya ang publiko kinahanglan mamawong sa ilang plangka sa kuryente ug uban pa nga mga appliances niini.
Gidili usab ang pagdagkot og kandila nga biyaan nga usa sa mga hinungdan sa pag-ulbo sa mga sunog ug di pasagdan ang mga butang nga mosilaob sama sa posporo ug lighters nga makab-ot sa mga bata.
Gitataw ni Abarquez nga panahon sa brownout kun mahimo mag-andam og flashlights o emergency lights ug dili magdagkot og kandila. – /EIM) (BANAT NEWS)
- Latest