Babaye, nakadasmag pulos angol

CEBU, Philippines – Grabe’ng naangol ang usa ka tiguwang babaye nga nadasmagan sa motorsiklo sa paglabang sa karsada sa sa barangay Guinsay, dakbayan sa Danao alas 7 pasado ang takna sa niagi’ng gabii ug niangol usab sa amahan ug anak nga nagsakay niini.

Ang biktima mao si Veronica Catarina, 65, nagpuyo sa maong dapit samtang angol usab sila si Gary Labador Sr.,39, ug 7-anyos nga anak nga si Gary Jr. nga luwan sa motorsiklo nga nakadasmag.

Si Police Officer 1 Ramil Costan, imbestigador sa traffic section sa Danao City Police Station, niingon nga gikan sa lungsod sa Carmen ang motorsiklo nga giluwanan sa amahan ug anak ug pauli sa ilang panimalay sa dalan Olivar, barangay Poblacion sa maong dakbayan.

Diha’ng nahidangat sa maong dapit, kalit lang nga nilabang si Catarina hinungdan sa pagkalamba sa karsada.

Si Catarina uban sa amahan ug anak nga pulos usab naangol diha’ng nalamba ang motorsiklo nga ilang giluwanan dali’ng gidala sa Danao Provincial Hospital. – /GMR) (BANAT NEWS)