Earth Hour angayang sigehon

CEBU, Philippines – Angayang sigehon ang paghimo sa Earth Hour sa tagsatagsa ka panimalay sumala pa ni Mandaue City Mayor Jonas Cortes.

Kini human sa gipahigayung Earth Hour niadto’ng Sabado sa gabii diin nisalmot ang kagamhanan sa dakbayan sa Mandaue.

Si Cortes maoy nangulo sa pagsalmot sa kalihukan nga giapilan usab sa ubang opisyal ug mga kawani.

Sa gipahigayun nga programa sa wala pa himoa ang pagpawong sa mga suga’ng dagitabnon sa City Hall ug Plaza, gipadayag ni Cortes ang kamahinungdanon sa pagdaginot sa kuryente sa matag konsumedor. – /GMR) (BANAT NEWS)