64 mopaso sa gikwestiyon nga kurso sa TCC

CEBU, Philippines - Wala’y babag ang pagpaso sa 64 ka mogradwar sa Talisay City College sa mga kurso nga gikwestiyon sa Commission on Higher Education.

Kini naglakip sa Bachelor of Arts in Hospitality Management, Master of Arts in Public Education, Masters of Education ug Doctors of Education.

Apan giklaro  ni TCC acting president, Mayor Johnny Delos Reyes, nga giaprobahan sa Board of Trustees ang confirmation sa graduation sa 64 ka graduates dungan sa 800 kapin sa nagkadaiya’ng mga kurso sa TCC.

Ang graduation ipahigayun sa atubangan sa Talisay City Hall.

Samtang uyon si Delos Reyes sa umulon nga technical working group nga motutok sa mga gikinahanglan nga i-comply sa TCC sa CHED aron dili na subli’ng makwestiyon ang kredibilidad sa tunghaan nga mao’y gisaligan sa mga kabus nga makaangkon og kurso nga barato.

Giawhag ni Delos Reyes ang CHED nga hatagan sila sa lista sa mga gikinahanglan nga mga dokumento ilabi na nga magsugod na sab ang enrollment aron matabangan ang TCC nga dili mapuno sa pagsaway.  (BANAT NEWS)