Lalaki patay, bata angol
CEBU, Philippines - Usa ka amahan ang namatay samtang napagan ang usa ka 8-anyos nga tinun-an dihang ang lalaki gipusil sa duha ka lalaking nagmotor diha sa Barangay Liong, Dumanjug.
Giila ang mga biktima nga sila si Markly Tecson, 34, Barangay Looc ug ang 8-anyos nga tinun-an taga Barangay Camboang sa maong lungsod.
Base sa imbestigasyon ni Senior Inspector Jose Rovic Villarin, nga gikuha sa amahan ang anak niini nga nagtungha sa Dumanjug Central School dihang kalit kining giduol sa mga mamumuno ug gipusil.
Patay dihadiha si Tecson samtang gidala sa Vicente Sotto Memorial Medical Center ang napagan nga bata tungod sa samad pinusilan sa tuong bukton.
Nasakmit sab sa mga kapolisan ang usa ka Norinco .9mm pistol ug usa ka cellular phone gikan sa namatay ug lima ka empty shells nga .45 caliber ug usa ka deformed slug sa crime scene. (BANAT NEWS)
- Latest
