Gikan nag-withdraw gitulis
CEBU, Philippines – Nabiktima sa manglabnihay ang usa ka ginang nga gikan pa nag- withdraw og kwarta sa bangko sa lungsod sa Balamban.
Ang biktima mao si Edna Fernandez, 32, taga barangay Poblacion, Asturias samtang ang suspek nailhan nga si Allan Rallos, hingkod, taga Asturias.
Sa imbestigasyon sa kapolisan sa Balamban nasayran nga gikan sa bangko sa barangay Baliwagan nag-withdraw og kwarta ang biktima dihang giduol sa suspek ug sa wala’y pagduha-duha nilabni sa bag.
Nakuha sa suspek ang P10 mil, cellphone ug uban pa’ng importante’ng dokumento.
Human sa hitabo dali nga nikaratil og dagan ang suspek palayo sa maong lugar.
Samtang gisikop sa kapolisan sa dakbayan sa Toledo ang 23-anyos nga lalaki nga gituohang notado’ng kawatan sa barangay Lutopan.
Ang nasikop mao si Ervin Carreon, nagpuyo sa maong barangay, pinasikad sa warrant of arrest sa kaso’ng pagpangawat. – /GMR) (BANAT NEWS)
- Latest
