Nangigo sa Sawang dili akyat-bahay
CEBU, Philippines – Gitataw sa kapolisan nga dili mga sakop sa akyat-bahay ang duha ka lalaki nga ilang nasikop kinsa responsable sa pagpanglungkab sa usa ka panimalay sa Sawang Calero, Cebu City niadto’ng Domingo.
Ang mga nasikop sa follow-up operation sa kapolisan giila nga sila si Joemari Gabutero Rodriguez, 21-anyos, ulitawo ug si Julius Jabonillo Villarico, 35-anyos, minyo ug pareho’ng residente sa maong lugar.
Ang biktima giila nga si Jingky Patatag Cabante, 29-anyos ug residente sab sa maong dapit kinsa gikawatan sa mga mahalong gadgets, shoulder bag ug kwentas nga mokantidad ang tanan og P45 mil lakip na niini ang mga senina nga mokabat sa kapin sa P47 mil.
Nahibalik sa biktima ang iyang laptop, iPod ug shoulder bag apan wala na ang ubang gamit human nasikop ang mga suspek. –/GMR) (BANAT NEWS)
- Latest