Taga bangko gi-holdup
CEBU, Philippines - Giilog ang motorsiklo ug nakuha ang kwarta sa duha ka taga bangko diha’ng sila gi-holdup sa wala mailhi’ng tawo sa Lower Tal-ot, Valencia, Carcar City ala 1:30 sa hapon sa niaging adlaw.
Ang mga biktima naila nga sila si Ma. Ofelia Gallenero Laoc, 45, usa ka center chief sa Kaabag Program sa Fair Bank nga taga Tina-an, Valencia, Carcar City ug Ruben Pacaldo Pelegrin, 31, program officer sa Fair Bank ug residente sa Bario Luz, Cebu City.
Matud sa imbestigasyon sa kapolisan nga sakay sa motorsiklo ang duha padulong sa Carcar City proper diha’ng giatangan ug gitionan og pusil.
Nakuha ang kapin sa P30 mil nga kwarta, importante’ng mga papeles ug ang puwa nga Honda XRM 110 nga may plate number 9436 ug driver’s license nga gisulod sa U-box. (Lorezle Sale, NSU Intern/GMR)(BANAT NEWS)
- Latest
