Sidewalk sa Mandaue pahawanan
CEBU, Philippines - Gitagad na sa konseho sa dakbayan sa Mandaue ang reklamo sa mga molupyo sa kabarangayan sa pagpatuyang paggamit sa mga sidewalk isip mga vulcanizing ug repair shops sa mga motorsiklo.
Si Konsehal Jimmy Lumapas ang nangamahan sa resolusyon nga nag-awhag sa City Legal Office ug ni Mayor Jonas Cortes sa pagsusi sa reklamo.
Giila ni Lumapas ang mga dalan sa S.B. Cabahug paingon sa Ibabao-Estancia, A. del Rosario sa barangay Guizo ug uban pa nga gigamit ang sidewalk isip motorcycle repair shop, vulcanizing shop ug display center sa surplus nga mga pisa sa motorsiklo.
Matud ni Lumapas nga ang paggamit sa mga sidewalk wala lang nakahatag og kahasol sa mga tawo nga maglakaw kun dili kuyaw sab sa aksidente.
Ang dakbayan sa Mandaue adunay ordinansa nga nagdili sa pagbutang sa mga sidewalk sa bisan unsa nga makaali sa maglakaw. (BANAT NEWS)
- Latest
