Nipalusot og gasolina nadakpan
CEBU, Philippines - Gipasaka na kagahapon sa mga sakop sa Investigation Detection and Management Bureau (IDMB) ang kaso nga qualified theft batok sa guwardiya sa Petronas gasoline station uban sa tulo ka trabahante nga gipasanginlang nagkunsabo sa pagpalusot og binalde nga gasolina.
Si Senior Police Officer 4 Marcos Noval Jr. nga maoy imbestigador sa IDMB sa Mandaue City Police Office (MCPO) miila sa guwardiya nga mao si Reysan Chua Biazon, warehouse guard sa Petronas gasoline station sa dalan Ceniza Extension, Zone Centro sa Dakbayan sa Mandaue.
Samtang ang tulo ka mga trabahante nga nadakpan sa akto mao sila si Arnulfo Aujxetero Cabellar, Toribio Mariquit Agosto ug Jack Delos Santos Mariquit.
Si Noval miingon nga ang upat ilang nadakpan sa akto sa pagpalusot og lima ka baldeng gasoline nga ilaha na untang ikarga sa Suzuki multicab nga nagdala sa plate number nga GME-658.(Romeo T. Limpangog/EIM)(BANAT NEWS)
- Latest
