Bukog gituohang iya sa na-missing
CEBU, Philippines - Bukog nga gituohang iya sa dos-anyos nga bata nga na- missing atol sa grabeng baha niadtong bagyong Seniang sa miaging buwan, ang napalgan sa tampi sa Barangay Ilaya, lungsod sa Ronda.
Matud ni Senior Police Officer 1 Bartomiano Gargar, desk officer sa Ronda Police Station nga usa ka Felipe Malalay, 29, ang nakakita sa bagulbagol ug pipila ka bukog nga naapil sa tinapok nga mga kahoy daplin sa tampi sa sapa.
Ang bukog nga napalgan gituohang iya sa 2- anyos nga si Joyce Bahinting. Apan sigon pa ni SPO1 Gargar nga dili pa nila matino kung sa bata ba g’yud nga bukog sanglit wala ma'y DNA test nga gihimo.
Mao lang kini ilang gituohan tungod kay duha lang ang na-report nga missing sa Ronda atol sa bagyong Seniang. Giangkon hinuon dayon sa mga paryente sa bata nga ang bukog iya ni Joyce.
Si Joyce ug ang manghod niining unom pa lang ka buwan ang na- missing dihang gibanlas sa flashflood ang ilang balay.(Jean Lumapas,USJ-R Intern/EIM)(BANAT NEWS)
- Latest
