Lapu-Lapu PNP hinay sa kampanya sa drugas

CEBU, Philippines - Wala na malipay si Lapu-Lapu City Mayor Paz Radaza sa gipakita’ng lihok sa kapolisan sa dakbayan kay nagtuo siya nga daghan na kanila ang nagligoy sa pagka karon, ilabi na sa kampanya batok sa gidiling drugas.

Nakabantay si Mayor Radaza nga kun duna may kalampusan ang kapolisan sa Lapu-Lapu sa kampanya batok sa gidili’ng matang sa drugas ang ilang masakmit mga gagmay kaayo’ng pakete sa shabu. Nasagmuyo kaayo si Mayor Radaza diha nga nakadawat siya’g report nga nakasulod na ang ilegal nga drugas didto sa Isla sa Olango, sakop sa Lapu-Lapu. Buot ni Radaza nga lahugayon ni Lapu-Lapu City police chief Armando Radoc ang iyang mga sakop sa pamasin nga molambo ang ilang serbisyo. (BANAT NEWS)