Danao police hataga’g bag-ong buhatan
CEBU, Philippines – Aduna na’y bag-ong opisina ang kapulisan sa dakbayan sa Danao human nga nasunog ang ilang karaan nga buhatan niadtong nakalabay nga adlaw.
Sa pagkakaron temporaryo una nga nag opisina ang kapulisan sa ilang substation nga nahimutang atbang sa Mitsumi sa maong dakbayan.
Kini ang gitug-an sa hepe sa Cebu Provincial Police Office (CPPO) Sr. Supt. Noel Gillamac atubangan sa mga tigbalita.
Matud pa ni Gillamac nga aduna nay gisaad ang lokal nga kagamhanan sa dakbayan sa Danao nga bag-ong buhatan nga tukoron ug apil sa tagaan og lugar ang kapulisan sa Danao.
“City government owned, and only a portion will be occupied by the police, not in same place,” matud pa ni Gillamac kinsa mipadala na og mga imbestigador sa Danao.
Buot ni Gillamac nga masubay kung asa napaingon ang mga armas sa mga polis kung mo-report sila nga naapil sa pagkasunog kay nabalaka siyang gamiton kini sa krimen.
“My concern is the firearms man gud, maybe it end up in the hands of criminal man gud. So I told the chief of police nga kung naa’y moingon nga nasunog ang iyang fire arms, I will let go to undergo lie detector test,” dugang pasabot ni Gillamac.
Wala itug-an sa opisyal kung pila ka armas ang nawala ug gikatahong naapil sa pagkasunog.
Pasado alas- 9 sa Sabado sa gabii miulbo ang sunog sa karaan nga city hall sa dakbayan sa Danao nga giokupahan sa kapolisan ug mga ahensiya sa gobiyerno. Gidudahan nga electrical overload ang hinungdan sa sunog nga nagbilin og P6.1 milyones nga danyos. – /EIM) (BANAT NEWS)
- Latest
