Sikyu nanglugos og 6-anyos

CEBU, Philippines -  Gidakop ang usa ka guwardiya sa establisamento nga iyang gibantayan human kini gireklamo og pagpanglugos sa 6-anyos nga batang babaye  nga gikuyogan sa iyang inahan sa Presinto 3 sa Mandaue City Police Office (MCPO). Si Senior Inspector Genilo Veraque, hepe sa Presinto 3 mibutyag nga ang suspetsado nga si Danilo Gerona ilang gidakop samtang nag-duty sa Palmas Verdes Subdivision.

Ang pagpangabuso nabisto human nga usa nila ka silingan nakakita sa suspek sa gibuhat niini sa biktima, dihang gisukitsukit sa inahan ang bata,  mitug-an kini sa inahan nga makadaghan na nga higayon kini gibuhat kaniya sa suspek.

Si Veraque mibutyag nga magpunay og adto sa ilang balay ang suspek tungod kay ilaha kining silingan ug maninoy usab sa ubang igsuon sa biktima. Gitug-an sa bata nga hatagan siya sa suspek og P10 sa matag higayon nga may buhaton kini kaniya. Kasong rape ug child abuse ang giandam nga ipasaka batok sa maong suspek nga naghinol na karon sa rehas sa prisohan. (BANAT NEWS)