DepEd-Toledo superintendent hulipan
CEBU, Philippines - Gikatakda nga sunod tuig hulipan sa katungdanan si Dr. Ronald Gutay, ang district superintendent sa mga public schools sa dakbayan sa Toledo.
Kini human nga mapupos na ang iyang unom ka tuig nga termino isip labaw sa DepEd Toledo City district.
Sa Enero 7, 2015 matapos ang termino ni Gutay. Hinuon idistino ra gihapon si Gutay og laing schools division apan wala pa muhatag og bag-ong assignment kaniya ang DepEd Central Office.
Andam usab si Gutay nga mudawat sa iyang bag-ong tahas.
Matud ni Gutay nga mas gusto niya nga ibalik siya og distino sa DepEd Cebu Province division o dili ba kaha sa iyang yuta’ng natawhan sa Sorsogon.
Pito ka tuig na nga nadistino sa Sugbo si Gutay diin duha ka tuig siya nga nahimong assistant school’s division superintendent sa probinsya sa Sugbo. (Raymond Abarcas/RUB)(BANAT NEWS)
- Latest
