Garbage truck gigamit sa negosyo
CEBU, Philippines - Gireklamo sa buhatan sa Ombudsman-Visayas ang usa ka konsehal sa barangay Calamba tungod sa pasangil nga gigamit ang garbage truck sa iyang personal nga negosyo.
Si Fabian Aves nisang-at sa reklamo batok sa iyang paryente nga si Corazon Lim nunot sa giingong paggamit sa garbage truck aron kargahan sa iyang negosyo nga mga karton ug scraps.
Sa gipahigayon nga sesyon sa konseho sa dakbayan sa Sugbo sa niaging adlaw, sila si Konsehal Sisinio Andales, Noel Wenceslao ug Alvin Arcilla ang gitahasan aron maoy moimbestigar kalabot sa maong reklamo.
Matud sa report sa Ombudsman nga na-alkansi ang gobiyerno og P9 milyones matag semana sa sayop ug pag-abusar nga paggamit sa sakyanan sa gobyerno.
Gipasaka ang reklamo sa buhatan sa Ombudsman niadtong Septiyembre 19. (BANAT NEWS)
- Latest
