Dispatser gipusil patay
CEBU, Philippines - Patay na nga nadangat sa tambalanan ang usa ka dispatcher, human kini gipusil sa usa ka lalaking nagsakay og motorsiklo diha duol sa Redemptorist Church, Barangay Kamputhaw ning dakbayan.
Ang biktima naila nga si Carlo Labra, 21, nagpuyo sa Sitio Nangka sa maong barangay, samtang ang gitudlo nga suspetsado mao si Renante Navarro.
Sa imbestigasyon sa Homicide Section sa Cebu City Police Office (CCPO) pinangulohan ni Police Officer 3 Nilo Aventurado, gikatahong nakit-an si Labra nga gigukod sa suspek nga nagmotor. Dihang naapsan gipusil kini makadaghang higayon sa nagkadaiyang bahin sa lawas ug patay na pag-abot sa Vicente Sotto Memorial Medical Center (VSMMC).
Nakuha sa kapulisan sa crime scene ang upat ka basiyo sa bala sa kalibre .45, samtang gisubay pa ang motibo sa krimen. (BANAT NEWS)
- Latest
