Babaye nga pusher, laing usa sikop
CEBU, Philippines – Duha ka notadong tigpayuhot og drugas ang nasikop sa duha ka managlahing operasyon sa City Intelligence Branch (CIB) ug sa mga sakop sa Pari-an Police Station.
Domingo sa buntag nasikop si Rowena Santos Durana, 50, taga Purok 3, Kamputhaw sa CIB atol sa buy-bust operation. Nakuha gikan sa posesyon sa dinakpan ang usa ka daku nga putos sa drugas, usa ka medium size, 12 ka gagmay nga pakete sa drugas ug P1,800 nga gituohang halin sa negosyo ni Durana.
Matud sa hepe sa CIB, Supt. Romeo “Bong” Santander, nga mokabat sa P60,000 ang kantidad sa drugas nga ilang nakuha gikan sa dinakpan. Samtang usa ka level 3 drug pusher ang nasikop sa Pari-an Police atol sa pagsilbi sa search warrant sa sitio Upper Day-as, barangay Day-as.
Gironda sa kapolisan ang panimalay ni Ernesto Ybañez, 45, diin nakuha ang usa ka medium size ug lima ka gagmay nga pakete sa drugas nga may kantidad nga halos P20,000. -/GMR) (BANAT NEWS)
- Latest
