Bag-ong mga opisyal sa CFBJ

CEBU, Philippines – Gipahigayun kagahapon sa Parklane International Hotel ang pagpili sa bag-ong mga opisyal sa Cebu Federation of Beat Journalists (CFBJ). Kini isip kabahin sa pagsaulog sa ika-20 ka tuig na nga Press Freedom Week.

Si Elias O. Baquero sa Sunstar Daily ang nasublian isip president sa ika-siyam na nga higayun samtang si Gregg M. Rubio sa The Freeman ug Banat News ang napiling bise-presidente.

Ang CFBJ maoy labing daku nga kahugpungan sa mga reporters, photographers ug cameramen gawas sa Metro Manila ug natukod niadtong 2000.

Laing napili mao sila si Malou Mozo sa Manila Bulletin isip secretary, Jujemay Awit sa Sunstar isip treasurer, Oscar Pineda sa Sunstar isip auditor.

Napiling mga sergeant-at-arms sila si Alex Badayos sa Sunstar, Norman Mendoza sa DySS ug Cebu Daily News, Pepe Sollano sa The Freeman, Rommel Manlosa sa Sunstar ug Arnold Bustamante sa DyHP ug CCTN47.

Ang mga presidente ug bise-presidente sa laing-laing beats awtomatik nga maglangkub sa CFBJ Board of Directors.

Ang CFBJ nipalabang kagahapon og resolusyon nga nagmugna sa Grievance Committee nga gipangulohan ni Oscar Pineda sa Sunstar, Discipline Committed ni Mitchelle Palaubsanon sa The Freeman ug Membership Committee ni Garry Lao sa The Freeman. Gikatakdang manumpa ang mga opisyal sa CFBJ atol sa ilang general assembly karong Miyerkules. (GMR) (BANAT NEWS)