Marijuana gitanum likod sa balay
CEBU, Philippines – Gisikop sa kapolisan sa lungsod sa Minglanilla ang usa ka 24-anyos nga lalaki human nasakpan nga nagpatubo og tulo ka punoan sa marijuana sa likod sa balay sa iyang inahan sa barangay Tulay niadtong Sabado sa hapon.
Ang kapitan sa maong barangay nga si Joe Laput mao’y mitug-an sa kapolisan kahabin sa marijuana human namatikdan nga gitanom sa likod sa usa ka balay.
Sa pagresponde sa kapolisan ilang nasikop ang usa ka Ericson Verame, ulitawo, nga taga sitio Bacay, Tulay.
Matud ni PO1 Taher Radiab sa Minglanilla Police nga nahinabi sa Banat News nga tulo ka punoan sa marijuana ang nakuha sa mga operatiba.
Wala motug-an ang dinakpan kung unsaon niya ang maong tanom.
Gipaslak sa Minglanilla detention cell ang dinakpan ug mag-atubang og kaso batok sa pagtanom og marijuana. -/GMR) (BANAT NEWS)
- Latest
