Rama: Nganong polis ra man?
CEBU, Philippines - Mas pabor si Cebu City Mayor Michael Rama sa random life auditing sa mga opisyal sa gobiyerno.
Si Rama niluwat sa maong pamahayag human wala siya nahimuot kabahin sa isyu sa lifestyle check sa mga opisyal sa kapolisan.
Hinuon si Rama nipadayag nga andam siya’ng mopaubos sa lifestyle check kun kinahanglan.
Ang Department of Interior and Local Government (DILG) nagpatabang sa Bureau of Internal Revenue (BIR) sa pagpahigayon og lifestyle check sa mga opisyal sa kapolisan.
Kini nunot sa taho nga adunay mga polis nga protektor sa ginadiling drugas.
Matud ni Rama nga kun dunay motumaw nga problema anha pa mohimo og aksiyon ang hingtungdang ahensiya.
“Nganong di man ta mag-lifestyle check sa tibuok mga public official?.... For me, accusing and shameful why focus only of the police, why lifestyle check of the Armed Forces of the Philippines…Lifestyle check with whatever the agency out there?” matud sa mayor.
Si Rama miingon nga kun ang lifestyle check ang hatagan og dakung pagtagad, maapektohan ang basic services sa gobiyerno. (BANAT NEWS)
- Latest
