Mga suspek sa lungkab nasikop
CEBU, Philippines – Menor de edad kauban sa usa ka lalaki nga gitumbok nga suspek sa paglungkab sa Day Care ug Health Center sa Dumlog, dakbayan sa Toledo ang nasikop sa kapolisan.
Giila ang suspek nga si Randy Abas, 18-anyos nga taga barangay Bato sa maong dakbayan ug usa ka menor de edad.
Matud ni PO1 Emmanuel Aragon nga nakadawat sila og impormasyon kalabot sa nahimutangan sa mga suspek.
Gawas sa duha ka suspek, aduna pa’y laing usa nga kauban ang padayong gipangita sa kapolisan.
Nasayran nga nakuha sa mga suspek ang P4 mil nga kuwarta, tulo ka speakers nga adunay sound woofer nga anaa sa P15 mil ang kantidad ug DVD player nga anaa sa P2,500.
Giangkon sa duha ka dinakpan nga sila ang nihimo sa krimen.
Gikustodiya na sa Department of Social Welfare and Development ang menor de edad samtang gibalhug sa bilanggoan sa Toledo City Police Station ang laing suspek. -/GMR) (BANAT NEWS)
- Latest
