Alimaong sa Agsungot di accredited sa NCIP–Labella
CEBU, Philippines – Grupo sa mga Alimaong diha sa Barangay Agsungot sa dakbayan sa Sugbo, dili accredited indigenous people base sa talaan sa National Commission on Indigenous People sumala pa ni Bise Mayor Edgardo Labella.
Gipasabot ni Labella nga ang maong grupo diha sa Agsungot dili maka-invoke sa Akta Republika 8371 kon “The Indigenous Peoples' Rights Act of 1997” tungod kay dili sila accredited sa NCIP.
Karong Martes sunod sa semana, ang PCAC gikatakdang adto magpahigayon og meeting sa Agsungot ug ang mga kapitan sa Barangay Mabini, Cambinocot ug Lusaran ang gikatakdang imbitahon sa pagtambong sa maong meeting.
Apil sa ilang hisgutan ang mga barangay nga giingong dunay mga nagpailang mga Alimaong ug nangangkon og mga luna sa maong mga dapit.
Samtang ang director sa Cebu City Police Office director, Senior Superintendent Noli Romana mopadala og dugang pwersa sa City Public Safety Company aron masiguro nga way kagubot sa lugar tali sa mga molupyo ug mga Alimaong.
Kadtong masakpang magdala og armas bisan sakop pa sa Alimaong, ilaha silang dakpon kun walay lisensya ang gidalang armas.
“Wala naman kasing exemption , any organization in fact even LGU’s may firearms nga pero covered with appropriate documents, kung sa kanila (Alimaong) walang license definitely we have to seize it and we can also conduct operation,” matud pa ni Romana. -/EIM) (BANAT NEWS)
- Latest
