Pagbutang og pangalan ni JVR sa complex gikwestyon

CEBU, Philippines – Nagubot ang taga Barangay Poblacion Dakbayan sa Talisay human nga ang ilang Talisay City Sports Complex nga hapit na mahuman ug gigastuhan og kapin dos milyones pesos dunay nakabutang nga dakong letra “Team JVR.”

Una niini, gikalipay sa taga Talisay ang gihimong pagpanindot ni Mayor Johnny delos Reyes sa Talisay City Sports Complex nga gisugdan niadtong Hulyo 21 ug gikatakdang buksan sa publiko karong Septiyembre 7 dungan sa pagsugod sa Mayor’s Cup sa duwang basketball.

Si Atty. Baltazar Martinez, Barangay Secretary sa Poblacion miingon nga nakalapas sa kamanduan sa presidente nga idili ang pagbutang sa mga pangalan sa mga politiko sa mga proyekto sa gobyerno. - /EIM) (BANAT NEWS)