Civil Service Month gisaulog sa Talisay

CEBU, Philippines - Gisaulog sa dakbayan sa Talisay ang Civil Service Month diin gihatagan og gibug-aton ni Mayor Johnny V. de los Reyes ang tinud-anay nga pagserbisyo sa katawhan.

Ang kalihukan gibuksan pinaagi sa usa ka flag raising ceremony dayun namulong si delos Reyes.

Usa ka sports fest salmutan sa mga kawani sa Talisay City Hall isip kabahin sa kasaulogan.

Matud ni Hazel Bathan, pangulo sa Human Resource Department sa Talisay City Hall, nga gihatagan sila og P900 mil nga pondo alang niini.

Iyang gipasalig nga dili makabalda sa trabaho ang kalihukan.

Ang Civil Service Commission nakigtambayayong sa tanang lokal nga kagamhanan sa pagsaulog sa Civil Service Month nga taposon sa Septiyembre 26. - /GMR) (BANAT NEWS)