Karsada palapdan

CEBU, Philippines - Ang Bureau of Fire and Protection miawhag sa mga opisyal sa dakbayan sa Sugbo pagpalapad sa karsada sa pipila ka dapit sa siyudad nga delikado sa sunog.

Si City Fire Marshal Rogelio Bongabong, Jr.misuwat ni Bise Mayor Edgardo Labella ug miila sa 20 ka lugar nga daghan ang namuyo ug piot kaayo ang karsada.

Matud ni Bongabong nga ang mga fire trucks maglisod g’yud pagsulod dayon kon may moulbo nga sunog tungod sa kagamay sa karsada.

Ang opisina sa mayor ug ang City Risk-Reduction Management Council giawhag nga atimanon ang isyu. (BANAT NEWS)