Taksi natagak sa pangpang, drayber patay
CEBU, Philippines - Usa ka fetus nga gisulod og plastic bag ang nakaplagan sa sulod sa pansayan sa usa ka unibersidad sa sa Talamban, Cebu City niadtong nakalabay nga adlaw.
Matud pa ni PO1 Francel Buling sa Talamban Police Station nga dili pa nila mahatag og pila ka bulan ang maong fetus nga nakit-an sa sulod sa pansayan sa mga lalaki sa maong tunghaan.
Sumala pa ni Buling nga usa ka guwardiya sa maong tunghaan ang mitawag sa ilang buhatan nga nagpahibalo nga duna’y nakita nga fetus.
Sa imbestigasyon sa kapulisan nasayran nga usa ka estudiyante nga si Giovanni Dizon ang nakadiskubre sa maong fetus human kini misulod sa pansayan gumikan sa sugo sa lawas.
Matud pa nga giputos og plastic bag ang maong fetus ug gibutang sa suok.
Duda ang kapulisan sa Talamban Police nga posibleng estudyante ra sab ang naglabay sa maong fetus.
Samtang usa ‘sab ka gituohang walo ka bulang fetus ang nakit-an sa usa ka mamasurahay sa suba sa Sitio M. Dela Concepcion, Pasil, Cebu City, pasado alas 7, kagahapon sa buntag.
Si Emerito Abatol Jr., mibutyag ang maong fetus gisulod sa usa ka plastic ug nasangit sa kahoy. Gituohan usab nga gidungan kini paglabay atol sa pagdako sa tubig sa miaging adlaw atol sa pagbundak sa ulan. (/EIM)(BANAT NEWS)
- Latest
