Tiyan sa mga traffic enforcers pagamyon
CEBU, Philippines - Si LTO-7 Regional Director Arnel Tancinco misuporta sa kamandoan ni Mayor Michael Rama nga kinahanglang pagamyon sa mga traffic enforcers ang ilang mga tiyan.
Matud ni Tancinco nga kon ang usa ka traffic enforcer dagko og tiyan bug-at kini ug dali ra nga kapuyon sa pagtindog diha sa karsada ug mao nga daghang enforcers nga makit-an nga mopahuway daplin sa karsada.
Gihatagan ni Mayor Rama og unom ka buwan ang mga sakop sa CITOM nga pagamyon ang ilang mga nagbusyad nga tiyan aron nga abtik sila nga molihok-lihok diha sa karsada.
Dinhi sa dakbayan sa Sugbo, kapin sa 200 ka traffic enforcers ang gidistino sa mga karsada ug buot sa mayor nga hashasan ang mga enforcers, kadtong mga ligoy ilisan.
Gusto ni Mayor Rama nga ang mga parking aide nga tigkolekta sa bayad sa mga motorista nga mo-parking sa daplin sa karsada himuon nga traffic enforcer kon sila makita nga kugihan. –RUB (BANAT NEWS)
- Latest