Nagtuong patyon, naghikog hinuon
CEBU, Philippines - Napalgang nagbitay ug wala na’y kinabuhi ang usa ka 24-anyos nga lalaki sulod sa lawak sa ilang panimalay sa Cambuhawe, Balamban sa nakalabay’ng adlaw.
Giila ang naghikog patay nga si Roldan Abendia Siarot, adunay kapuyo ug lumad sa maong lugar.
Matud sa kapolisan sa Balamban nga misulod ang inahan sa biktima sa lawak sa iyang anak apan misugat kaniya ang nagbitay nga patay’ng lawas niini.
Migamit ang biktima og nylon nga pisi ug gihigot sa iyang liog ug ang usa ka tumoy gihigot sa kisame sa ilang balay.
Sa imbestigasyon sa kapolisan nasayran nga upat na ka gabii nga wala’y tulog ang biktima tungod sa kahadlok nga adunay buot mopatay kaniya.
Nasayran usab nga giingong dugay na’ng nagumon sa ginadiling drugas ang biktima nga posibleng hinungdan nga miunay kini pagkutlo sa iyang kinabuhi. (BANAT NEWS)
- Latest
