Nagmahay ang polis
CEBU, Philippines - Kadtong polis nga sakop sa Mabolo Police Station nga mipusil ug mipatay sa igsuon sa iyang kapuyo nagbasol pag-ayo sa iyang nahimo kaniadto’ng miaging Martes.
Si PO2 Franklin Bulaquia nga gitanggong karon sa bilanggoan nagmahay nga iyang gipusil si Golgie Gestopa nga half-brother sa kapuyo niya nga si Gerephie.
Miulbo ang kasuko ni Bulaquia diha nga iyang nahibaw-an nga si Gestopa mitambag sa iyang kapuyo nga siya pabuwagan tungod kay sige lang sila’g away.
Saysay ni PO2 Bulaquia nga human niya gipatiran ang laing igsuon sa iyang kapuyo milakaw na unta siya apan kalit siya’ng gibabagan ni Gestopa ug nisukol mao nga nakabunlot siya sa iyang armas.
Matud ni Bulaquia nga kanunay lang sila nga magbuwag-uli ug ang iyang kapuyo kay mopatuo man kini sa tambag sa iyang mga igsuon.
Adunay tulo ka anak si Bulaquia nga nag edad og 2, 6 ug 10 anyos ug tua kini sa iyang kapuyo human sa hitabo. (BANAT NEWS)
- Latest
