Wala’y helmet gidakop, armas nasakmit

CEBU, Philippines - Gidakop sa kapolisan ang duha ka lalaki kinsa nakuhaan og usa ka KG9 nga armas ug unom ka bala alas 9:40 sa gabii niadtong Lunes sa barangay Carreta, dakbayan sa Sugbo.

Ang mga dinakpan giila nga sila si Edgar Bueno, 40, taga Malong, dakbayan sa Danao ug Edward Toling, 47, nagpuyo sa Sitio Mahayahay, barangay Carreta. Ang duha sakay sa motorsiklo dihang gipahunong sa nagpatrolyang kapolisan sa maong lugar tungod kay wala mag-helmet.

Apan sa pagsusi sa ilang bag nakit-an sa kapolisan ang usa ka armas ug unom ka bala hinungdan nga ilang gisakmit.

Kasamtangang gitanggong sa detention cell sa Mabolo Police Station ang mga dinakpan kinsa pasakaan og kaso. - /GMR) (BANAT NEWS)