Brgy Sungko, Bantayan, Cebu
CEBU, Philippines- “Sir Jun mangutana lang unta mi kun kanus-a ihatag ang financial assistance gikan sa gobiyerno diri sa among lungsod kay sa Madridejos dugay na man gihatag, kinsa may langayan ang national government o ang among mayor diri?”
Brgy Taloot, Argao, Cebu
“Amo lang unta hangyo sa mga polis sir Jun nga unta atimanon nila ang problema namo diri sa ilegal nga drugas kay daghan na man adik diri labi na ning ubang mga habalhabal driver.”
Brgy Maya, Daan Bantayan, Cebu
“Ingon nila wala nay mga illegal fishing diri sa amoang lugar daghan man gihapon mi mabantayan nga mananagat nga mogamit og ilegal para makakuha’g isda, asa na man ilang gipanghambong nga kampanya sa illegal fishing.”
Brgy Mabolo, Cebu City
“Sir lisod gyud na sumpoon ang illegal drugs diri sa among lugar kay ang nagpaluyo ana aktibo man sa serbisyo nga military maong ang mga opisyal sa barangay mahadlok kay kuyawan anang grupo kay armado, mas maayong mga polis ang molihok ani.”
Brgy Mactan, Lapu-Lapu City
“Angayang susihon pag-ayo nang sulod city jail sa Soong kay akong igsoon nga piniriso nagsulti nako nga naay nakasulod nga shabu diha nga maoy ginegosyo sa uban, mura’g imposibleng wa kahibawo ang mga jail guards ani.”
Brgy Pardo, Cebu City
“Naa gihapon diri nag negosyo og nubain usahay sa balay mamaligya adto sila mag-injection daghan kaayo mi makit-an nga mag anhaan diha nga gikan sa laing lugar kuyawan mi maapil among mga anak.”
Brgy Centro, Mandaue City
“Naproblema gyud ming nagpuyo duol sa DSWD office kay kun mag-uwan kay magbaha labi na gyud sulod sa Mandaue City Central School kay luoy sad ang mga bata tungod sa baha kay gamay na lang kaayo ang drainage nga agian sa tubig, maayo unta’g atimanon na kini sa siyudad.”
Brgy Malbago, Daan Bantayan, Cebu
“Kusog gihapon ang ilegal nga drugas sa among lugar Sir wala man gyud ni hatagi’g pagtagad sa mga polis ug mga opisyales namo sa barangay kay daghan na naadik sa ilegal nga drugas.”
Brgy Pitalo, San Fernando, Cebu
“Naghitak na ang ilegal nga drugas diri sa sityo Baybayon wala gyu’y nakasumpo ani nga mga opisyal sa gobiyerno ug sa kapolisan hinaut aksyonan dayon kini.”
Brgy Cambinocot, Cebu City
“Puwerte nang grabiha sa mga mamaligyaay og shabu diri sa sityo Sin kay mga opisyal namo diri way pakabana pagsulbad sa problema naay mga polis diri wa sad kadakop.”
Brgy San Isidro, Talisay City
“Sa Isla Verde naghitak na gyud ang ilegal nga drugas dugay na kaayo ning problemaha pero ang mga polis diri sa siyudad wala gyud magpakabana nga unta dugay ni namong gipadangat nga problema.”
Alang sa inyong mga reklamo text lang sa 09071678643
- Latest
