Gikidnap, gitulis P25 mil nadagit
CEBU, Philippines - Giimbestigar karon sa Toledo City Police Station ang pangangkon sa usa ka 27- anyos nga lalaki nga nagtrabaho sa usa ka lotto outlet nga giingong gidagit ug gitulis sa duha ka wala mailhing lalaki gikan sa Pier 3 dakbayan sa Sugbo ug gidala paingon sa dakbayan sa Toledo.
Si Lemuel Asumbrao taga barangay Quiot dakbayan sa Sugbo nagtrabaho sa usa ka lotto outlet mitug-an sa kapolisan nga nagpaabot siya og masakyan sa pagpauli gikan sa trabahoan dihang gihunongan siya og usa ka motorsiklo ug pugsanong gipasakay sa duha ka lalaki.
Sumala pa nga gitaptapan ang iyang mga mata samtang nagsakay sila sa motorsiklo ug human sa gibanabanang usa ka oras nga pagdagan nihunong sila sa usa ka ngitngit nga lugar sa Sitio Lower Baud sa Barangay Magdugo, dakbayan sa Toledo.
Matud pa sa biktima nga gipakanaog siya sa mga tulisan ug diha pa gikuha ang iyang bag nga maoy gisudlan sa iyang cellphone ug ang kinitaan sa lotto outlet nga P25 mil.
Human namiya ang mga tulisan dali nga nangayo og tabang ang biktima sa mga residente sa maong dapit ug midala kaniya sa Toledo City Police Station. (BANAT NEWS)
- Latest
