Pagpanawat og brgy workers pahugtan

CEBU, Philippines -  Usa ka tanod ug tulo ka garbage collection loaders ang nagpositibo sa gihimong surprise drug test nga gipahigayon sa Cebu City for Substance Abuse Prevention (COSAP) kagahapong adlawa diha sa Barangay Sta. Cruz.

Tungod niini, si COSAP head, Dr. Alice Utlang mirekomendar sa Association of Barangay Councils nga patas-an pa ang standards sa pagdawat og mga barangay tanod, loaders ug garbage truck drivers.

Kini tungod kay nasuta nga sagad sa nasakpang tiggamitan og illegal drugs nagtrabaho sa maong mga posisyon. Duna nay 79 ka kawani sa barangay ang nasakpang  drug users.

Adunay 45 ka mga barangay officials ug employees ang gipaubos sa maong drug test ug nasuta nga ang upat tiggamitan diay og drugas.

Si Donna Nazareno, Barangay Secretary sa maong barangay miingon nga kompleto ang mga opisyal sa barangay  nga nagpadrug test  nga gipanguluhan ni Barangay Kapitan Eloise Marie Lim Kasim.

Upat pa ka barangay ang drug-free sa 22 ka higayon nga napahigayonan og surprise drug testing ang COSAP, ug kini mao ang Barangay Talamban, Agsungot, Pulangbato, ug Taptap.  (BANAT NEWS)