Mas daghang entrante sa Lapu-Lapu Food Festival karon

CEBU, Philippines -  Mas daghan ang mga entrante sa ika-13 ka tuig nga Food Festival nunot sa usa ka semanang selebrasyon sa Kadaugan sa Mactan.

Matud pa ni Lapu-Lapu City Tourism Officer Hembler Mendoza miabot sa 39 ka mga partisipante sa maong festival karong tuiga mas daghan kini itandi sa milabay’ng tuig.

Ang mga pagkaon nga gitanyag sa mga dagkong hotels and restaurant matilawan na sa publiko sa ubos nga presyo itandi kung orderon kini sa ilang mga hotels ug restaurants.

Sa kantidad nga 40 pesos ngadto sa 99 pesos matilawan na sa mga lokal ug langyaw nga mga bisita ang mga sikat nga pagkaon.

Diha sa pormal nga pagbukas sa maong food festival si Mayor Paz Radaza ug tourism regional director Rowena Montecillo. Giawhag ni Montecillo ang ubang local government units isip package sa mga bisita lokal man o langyaw nga turista.  Ang food festival sa dakbayan sa Lapu-Lapu nalakip sa kalendaryo sa mga kalihukan sa DOT nga gisugdan 13 ka tuig na ang milabay.  (BANAT NEWS)