Banat ( Leaderboard Top ), pagematch: 1, sectionmatch: 1

Eddiegul ug Tommy O. nagkauliay na

CEBU, Philippines - Human sa pipila ka tuig nga sinukliay og mga init nga pulong batok sa usa’g-usa, nag-uliay sa maayong kabubut-on sila si Kongresista Eduardo Gullas ug Kong. Tomas Osmeña.

Si Gullas mibutyag niini atol sa pagbukas kagahapon sa hapon sa Gullas Cup 2012 sa dakbayan sa Naga, kini gikompirmar ni Osmeña sa interbyu sa telepono sa The Freeman (igsuong pamantalaan sa Banat News).

Matud ni Osmeña miingon nga wala’y personalay nga nalambigit sa mga nanglabay’ng hitabo. Si Gullas nagkanayon nga niadto pang tuig 2010 sila nagkauliay sa buot dihang na- kongresista si Osmeña.

Sumala pa ni Gullas nga kagahapon lang niya gibutyag ang maong pag-uliay nila ni Osmeña human ihatag ni Osmeña ang P400 milyones niining pundo nga alang unta sa iyang distrito aron kini magamit sa proyekto pagpalapad sa karsada diha sa Naga ngadto sa dakbayan sa Carcar nga ubos sa unang distrito sa probinsiya.

“He needed the money. The first district supported Jun Jun Davide in 2010. That’s my way of saying “thank you” to them,” ni Osmeña pa.Matud usab sa kanhi mayor sa dakbayan sa Sugbo nga bisan og ang partido ni Gullas misuporta kang Gobernador Gwendolyn Garcia apan ang mga tawo na maoy nagbuot nga si Davide III maoy mag-una.

Sumala pa ni Osmeña diha siya sa ulahing budget hearings diin iyang nadunggan si Gullas nga naghisgot kabahin sa proyekto niining pagpalapad sa karsada sa Naga ug Carcar ug nga kuwang ang pundo alang sa maong proyekto.

Ang maong proyekto nagkinahanglan kini og P1.025 bilyones apan P250 milyones ray pundo gikan sa congressional fund ni Gullas, diha dayon mitanyag si Osmeña sa iyang ikatabang. “After I recovered from my surprise, I accepted his generous donation and shook his hands,” ni Gullas pa.

Ang duha dihang pareho pang mayor niadtong tuig 2004 sa Talisay ug Cebu Cities nagkabangi tungod sa luna diha sa South Road Property. (EIM)  (BANATNEWS)

  • Follow Us: