Banat ( Leaderboard Top ), pagematch: 1, sectionmatch: 1

100-days countdown gisugdan kagahapon

CEBU, Philippines - Liboang debotos ang misugat sa unang adlaw sa 100-days countdown sa umaabot nga canonization ni Beato Pedro Calungsod pagka-santos kagahapong adlawa diha sa Fuente Osmeña Circle ning dakbayan. Sa wala pa opisyal nga gisugdan ang countdown gipahigayon una ang usa ka Santos nga Misa diha sa Basilica Minore del Sto Niño nianang alas- 3 sa hapon.

Si Archbishop Emeritus Ricardo Cardinal Vidal maoy nangulo sa Santos nga Misa diin iyang gihulagway nga grasya sa mga Filipino ang pagkahimo na unyang santos ni Calungsod.

Matud pa ni Vidal ang 100 ka adlaw gamiton unta sa mga Katoliko alang sa pagpamalandong sa mga sala ug hinuktokan ang mga sakripisyo ni Calungsod tungod sa hugot niyang pagtuo sa Kahitas-an.

Human sa maong misa gisundan kini sa usa ka motorkada nga naggikan sa Sto. Niño patubang sa Fuente Osmeña Circle diin gihimo ang countdown nga gipangulohan usab ni Cebu Archbishop Jose Palma ug mga kaparian sa simbahan. (BANAT NEWS)

  • Follow Us: