Zero-crime nabuak

CEBU, Philippines - Nabuak ang kaniadto ‘zero-crime incidence’ sulod sa pito na ka tuig atol sa mga sangka ni Filipino boxing icon ug Sarangani Rep. Emmanuel "Manny Pacman” Pacquiao ngadto ni Timothy Bradley Jr. niadtong Domingo.    Sumala pa sa report sa GMA News.tv, base sa report sa dzBB tulo ka mga krimen sa Luzon ang nahitabo nga giangkon usab sa tigpamaba sa kapolisan nga si Senior Superintendent Generoso Cerbo Jr. Matud pang Cerbo naglakip sa mga krimeng nahitabo mao pagpanulis, pagpangawat ug ang engkwentro tali sa militar ug rebelde sa Bontoc, Mountain Province. Naandan na sa mga Filipino nga walay mga krimeng mahitabo matag moaway si Pacquiao tungod sa grabeng pagsuporta kaniya sa mga Filipino, gani bisan ang mga kriminal mohunong gyud sa ilang mga pagpabadlong panahon sa sangka aron manan-aw sa boksing.