Banat ( Leaderboard Top ), pagematch: 1, sectionmatch: 1

Mamuhatay peke nga dolyares nadakpan

CEBU, Philippines - Usa ka 66-anyos nga lalaki kinsa giingong mamuhatay og mga pekeng kwarta ang nasikop sa gipahigayong pagpangronda sa mga ahente sa National Bureau of Investigation (NBI) kagahapon sa hapon diha sa iyang balay sa Univelle Kasambagan, dakbayan sa Sugbo.

Ang suspetsado mao si Richard Uy, residente sa maong dapit kinsa giingong taud-taud na sa iyang ilegal nga operasyon ug gani nasikop na kini niadtong tuig 2002 sa mga polis sa Talamban Police Station.

Dala sa mga ahente sa NBI ang search warrant nga giluwatan ni Regional Trial Court (RTC) Judge Alexander Acosta sa Branch 9. Na-recover gikan sa suspetsado ang P250 mil nga mga pekeng kwarta ug mobalor sa P3 mil nga mga pekeng US Dollars, Malaysian Dollars ug Indonesian.

Ang maong pagpangronda natigayon human dunay usa ka tawo kinsa nakadawat og peke nga kwarta ang misumbong ngadto sa NBI.

Ang NBI mihimo og imbestigasyon ug pakisusi ug nahibaw-an nila ang tinubdan sa maong peke nga kwarta.

Sa wala pa ang pagpangronda niadtong Sabado ang NBI nagpahigayon kini og test buy kang Uy ug mipalit og unom ka P500 nga pekeng kwarta.

Ang matag usa sa maong pekeng kuwarta giingong gipamaligya sa suspetsado og P85. Human niini ang NBI nagpahigayon og entrapment operation diin kunohay mi-order og mga pekeng kwarta nga mokabat ngadto sa P100 mil diin gibaligya lang kini sa suspetsado og P9 mil.

Ang suspetsado nagkanayon kini nga atubangon niya ang tanang pasangil batok kaniya. (BANAT NEWS)

  • Follow Us: