Nahimo ni Sotto gibalik-lantaw
CEBU, Philippines - Gisaulog kagahapon ang ika-140 nga adlaw’ng natawhan ni kanhi Senador Vicente Sotto diin usa ka kalihukan ang gipahigayon sa Sinulog Hall, Rizal Memorial Library and Museum Building.
Si Vicente Sotto natawo niadtong Abril 18 tuig 1877 ug giila kini nga “Father of Cebuano Language and Letters.”
Ang maong kalihukan gitambongan sa pipila ka mga empleyado sa Cebu City Hall lakip na ni Acting Mayor Edgardo Labella nga maoy Chairman sa Cultural and Historical Affairs Commission (CHAC).
Giila ni acting mayor Labella ang mga maayong nahimo sa kanhi senador nga usa ka Sugbuanon ug maoy author sa Sotto Law nga nahimong balaod niadtong 1946 nga hangtud karon nagamit gihapon.
Sigon ni Labella, importante ang maong paghandom sa nahimo sa kanhi Senador ilabi na nga si Sotto usa sa nakigbatok sa colonialism pinaagi sa malinawon nga paagi.
Gibilanggo siya sa Fort San Pedro ug gi-exile sa Hongkong.
“Not too many people know that it was this advocacy of Vicente Sotto continuous fight to gain Philippine independence from American that really pave the way of the country’s independence,” sigon ni Labella. Zeny Tapuyao (BANAT NEWS)
- Latest
