Safe na safe ang Phil Team sa Malaysia SEAG
MANILA, Philippines - Walang dapat ipag-alala ang mga bansang lalahok para sa darating na 29th Southeast Asian Games sa Kuala Lumpur, Malaysia.
Ito ang tiniyak kahapon ni Kumaran Nadaraja, ang Principal Assistant Secretary ng Ministry of Youth and Sports ng Malaysia kaugnay sa kanilang pamamahala sa biennial event na nakatakda sa Agosto 11 hanggang 19.
“The security will be tight as always and eve-ry delegation should not worry about their safety,” wika ni Nadaraja. “Our Ministry of Defense will take charge in that aspect.”
Ito ang ikaanim na beses na idaraos ang SEA Games sa Malaysia matapos noong 1965, 1971, 1977, 1989 at 2001.
Ang closing ceremony ng 2017 SEA Games ay isasabay sa pagdiriwang ng pang-60 Independence Day ng Malaysia, ayon kay Nadaraja.
Umaasa ang Pilipinas na magkakaroon ng magandang kampanya matapos pumang-anim noong 2015 SEA Games sa Singapore sa likod ng inilahok na 472 atleta.
Lumaban ang nasabing mga atleta sa 35 sports at kumolekta ng kabuuang 29 gold, 36 silver at 66 bronze medals.
Nasa bansa si Nadaraja para sa Rising Together Baton Run na nakatakda bukas at magsisimula sa tapat ng Mabini Hall sa Malacañang at magtatapos sa Cultural Center of the Philippines.
“This is not a competitive run but this is a leisurely run and the purpose is to drumbeat the 2017 Southeast Asian Games that will be held in Kuala Lumpur, Malaysia in August,” wika kahapon ni Philippine Sports Commission executive secretary Atty. Carlo Abarquez.
Ito ang unang pagkakataon na gagawin ng SEA Games ang baton run na ibinase sa torch relay ng Olympic Games.
“This is the first time that we are doing this acti-vity for the 2017 Southeast Asian Games, and we hope to continue this symbolic baton run in 2019 where the Philippines will be the host country,” wika ni Nadaraja.
Tatakbo sa nasabing event sina 2016 Olympic Games silver medalist Hidilyn Diaz, 2016 Paralympics bronze medal winner Josephine Medina, marathon queen Mary Joy Tabal at Malaysian Prime Minister of Sport Khairy Jamaluddin. (RCadayona)
- Latest
