Pangarap Maging Musikero

Dear Vanezza,

Napi-pressure ako sa mama ko na gusto akong pakuhain ng engineering course. Hindi naman ako takot sa math, ito pa nga ang paborito kong subject. Pero kasi music talaga ang linya ko. Gusto kong maging composer at musikero balang araw. Hindi ko masabi kay mama na gusto kong kumuha ng music course. Kaso natatakot ako na madismaya siya. Paano ba ang gagawin ko? – Simeon

Dear Simeon,

Bakit hindi mo kausapin ang iyong mama sa hilig mo sa music para magkaintindihan kayo. Tiyak mas magkakaroon ka ng kapayaan ng isipan at kalooban kung ipapaalam mo ang plano mo at gusto mong tahaking landas sa iyong buhay. Hindi ibig sabihin ay sumusuway ka sa magulang mo. Lahat ay puwedeng mangyari kung mag-uusap kayong mag-ina. Mayroon ka rin karapatan na piliin ang kursong ayon sa gusto mo. Dahil baka masayang lang ang panahon at pera ng mama mo sa kursong hindi mo gusto.

Sumasainyo,

Vanezza