2 solon na nasa ‘narco-list hindi agad mapapatalsik
MANILA, Philippines - Hindi umano agad maaaring kumilos at kung ano dapat gawin sa dalawang nakaupong kongresista na nasa listahan ni Pangulong Rodrigo Duterte na sangkot sa droga.
Ito ang pag-amin ni Isabela Rep. Rodito Albano, miyembro ng House Committee on Dangerous Drugs na hindi basta maaaring iendorso ni House Speaker Pantaleon Alvarez ang hawak niyang narco list sa Ethics Committee ng Kamara para maging basehan ng moto propio investigation at pagpapataw ng parusa kung kinakailangan.
Kahit anya,validated ang impormasyon laban sa dalawang kongresista na ang isa ay taga Mindanao na umanoy protector ng mga drug personalities ay kailangang may pormal na maghain ng reklamo sa ethics committee laban sa tinaguriang Narco Congressmen para makakilos ang Mababang Kapulungan.
Maaari umano itong gawin ng law enforcement agency na nagsiyasat sa mga kongresistang sangkot sa droga para sa huli ay mapatalsik sila sa Kamara at puwede rin idiretso ang reklamo sa Department of Justice (DOJ) para masimulan ang nauukol na proseso sa kanilang magiging kaso.
- Latest
