Gidepensahan ni Valeen Montenegro ang isyu kabahin sa gender issue ni Victor Basa. “Di talaga, wala akong makitang anumang trace ng pagkabading sa kanya. Malinis lang talaga siya sa katawan. ‘Di naman vain na masasabi. Alam lang niya if he looks good and okey na siya dun. Sa mga gamit naman, typical guy na burara si Victor. But to be honest, ‘di bakla si Victor. Lalaki talaga siya,” say pa ni Valeen. Samtang gipadayag usab sa dalaga nga abli siya sa seryosong pakig-relasyon, apan gipadayag nga medyo estrikto ang iyang mga ginikanan. Matud pa niya nga nakadawat siya og daghang text messages kabahin sa paglugwa sa programang Boy and Kris ni Victor nga andam kini mangulitawo kaniya. Atol sa programa sa Boy and Kris bag-ohay pa lang gipadayag ni Victor nga andam siyang maghuwat para iyang mapangulitawhan ang young star nga si Valeen . Matud pa niya nga mangayo pa siya og permiso sa parents mismo ni Valeen aron pangulitawhan ang dalaga. Kapares ni Valeen si Victor sa nagpadayong Astigs sa ABS-CBN .
Geoff Eigenmann
Wala gyud makaikyas si Geoff Eigenmann sa papel niya nga nude scene sa “Lobo” kung mo-transform na siya sa pagka tawong lobo. Hinuon split seconds lang pagpakita sa maong eksena,busa gituohan kini nga dili makaapekto sa iyang pagka-wholesome image.
Aga Muhlach
Sa unang nga higayon, moawit si Aga Muhlach live sa stage uban sa orchestra ubos sa grupo ni Gerard Salonga atol sa concert ni Leah Salonga nga Lea Salonga… My Life Onstage. Ang aktor maoy usa sa mga special guest sa concert ni Leah diin gikatakda kini karong May 23 ug 24 sa PICC. Ang nahisgutang concert ubos sa direksiyon ni Freddie Santos.
Toni Gonzaga
Dili pa andam si Toni Gonzaga nga ibutang siya sa level nila Vilma Santos, Judy Ann Santos, Maricel Soriano ug Sharon Cuneta nga dunay mga kaugalingong titulo. Gitawag si Toni karon isip “The Ultimate Multimedia Star,” pero dili pa siya andam nga modawat niini. Matud ni Tony nga daghan pa siyang angay nga ipakita sa dili pa niya maabot ang mga status sa mga artista nga nagtangag og titulo. Gihimakak usab ni Tony ang isyu nga nanglood siya sa ASAP tungod kay giatbangan ang iyang concert ni Richard Poon nga gi-produce sa ASAP Live. Matud pa niya nga normal lang sa showbiz industry ang maong sitwasyon sama sa pelikula nga magkadungan sa playdate.
Bong Revilla
Mi-react ang actor-politician nga si Bong Revilla sa mga nanggawas nga komento matud ni Rosanna Roces sa dihang gi-announce ni Bong ug sa iyang asawa nga si Lani Mercado sa pagsabak sa ilang anak nga si Inah. Matud sa taho nga milenggua si Rosanna nga maayo nga gidayon ni Inah ang iyang pagmabdos ug misugot sa pagpakasal sa boyfriend niini nga si Vince del Rosario. Apan giingon nga niadtong napamabdosan ni Jolo ang anak ni Rosanna nga si Grace, gikatahong misugyot sila si Bong ug Lani nga ipakuha ang bata niini. “Hindi naman totoo yun. Dahil ako pa ang pumunta sa kanya na kung gusto ipakasal, willing kami. Ang ayaw, si Grace. Ang ayaw, sila. May offer kami. Hindi totoo yun. ,” depensa ni Bong. Nasayran usab nga sa pagkakaron padayon ang suporta sa anak ni Bong nga si Jolo ngadto sa anak niini kang Grace .
